Dedfrydu modurwr am ladd cerddwr

Mae gyrrwr 96 oed, y cynghorwyd ef i beidio â gyrru oherwydd ei olwg gwael, wedi’i ddedfrydu am achosi marwolaeth drwy yrru’n beryglus.

Roedd William Beer yn gyrru ar Heol Bedwas yng Nghaerffili pan drawodd gŵr 84 oed, Illtyd Morgan, a oedd yn croesi’r ffordd.

Digwyddodd y gwrthdrawiad angheuol yn fuan wedi hanner dydd ar 6 Ebrill 2021, ac er gwaethaf ymdrechion y gwasanaethau brys, yn anffodus bu farw Illtyd Morgan yn ddiweddarach y diwrnod hwnnw.

Mewn archwiliad llygaid ym mis Mawrth 2019, cynghorwyd William Beer i beidio â gyrru gan fod ei olwg mor wael oherwydd bod ganddo gataract yn y ddwy lygad.

Dywedodd Anthony Clarke o’r CPS: “Mae penderfyniad William Beer i yrru, ac anwybyddu cyngor meddygol, wedi arwain at y canlyniad gwaethaf posibl; colled bywyd.

“Mae’r achos hwn yn ddigwyddiad trasig sy’n atgoffa modurwyr bod rhaid iddynt sicrhau eu bod yn ddigon iach i yrru’n ofalus, er eu diogelwch nhw a diogelwch pawb arall sy’n defnyddio’r ffyrdd.

“Mae teulu Mr Morgan wedi cael colled dorcalonus ac estynnwn ein cydymdeimlad atynt.”

Dedfrydwyd William Beer i 28 mis yn Llys y Goron, Casnewydd ar 27 Ionawr 2023.