Contrast
Select language
Home
Menu

Sut mae Gwasanaeth Erlyn y Goron yn deall ac yn mynd i'r afael ag anghymesuredd hiliol yn ein gwaith - ein Cynllun Gweithredu

Cyflwyniad i’r Cynllun Gweithredu

Mae Gwasanaeth Erlyn y Goron wrth galon y system cyfiawnder troseddol, ein rôl ni yw penderfynu a ddylid cyhuddo rhywun o’r troseddau mwyaf difrifol. Mae’r penderfyniadau a wnawn yn cael effaith ddofn ar fywydau dioddefwyr a diffynyddion, ac felly mae’n hanfodol bod tegwch ac annibyniaeth yn gonglfeini i bwy ydym ni a sut rydym ni’n gwneud y penderfyniadau hyn.

Cydnabyddir yn eang y ceir cynrychiolaeth anghymesur o leiafrifoedd ethnig ar draws y system cyfiawnder troseddol gyfan. Mae ymchwil cynhwysfawr wedi dweud wrthym fod y gwahaniaeth hwn yn cael ei adlewyrchu yn ein cyfraddau cyhuddo - gyda phobl o leiafrifoedd ethnig sydd dan amheuaeth yn fwy tebygol o gael eu cyhuddo o drosedd tebyg na phobl wyn Prydeinig sydd dan amheuaeth.

Rhaid inni wneud yn well. Rhaid inni beidio â bod yn hunanfodlon – byddwn yn cymryd camau pendant i fynd i’r afael ag anghymesuredd a sicrhau newid.

Felly, rydym wedi creu cynllun gweithredu sy’n cyflwyno rhaglen waith gynhwysfawr i fynd i’r afael ag achosion sylfaenol anghymesuredd a gwreiddio newid ystyrlon ar draws Gwasanaeth Erlyn y Goron.

Cafodd y cynllun gweithredu hwn ei greu ar y cyd â chydweithwyr a phartneriaid allanol. At hynny, mae’r camau rydym yn eu cymryd wedi cael eu llywio gan ymchwil cynhwysfawr a gwaith craffu annibynnol. Drwy weithredu ar sail y dystiolaeth, gallwn fod yn hyderus y bydd ein gwaith yn arwain at newid cynaliadwy.

Mae gan bob un rhan o Wasanaeth Erlyn y Goron rôl i’w chwarae, ac mae’r cynllun gweithredu yn disgrifio dull sy’n cael ei ddefnyddio ar draws y sefydliad. Bydd y cynllun hwn yn ein galluogi i feithrin diwylliant ac arferion gwrth-hiliol, gan ddileu rhagfarn hiliol yn ein penderfyniadau a gweithio gyda phartneriaid cyfiawnder troseddol eraill i roi sylw i anghymesuredd hiliol ar draws y system.

Dim ond dechrau ein siwrnai yw’r cynllun gweithredu hwn. Byddwn yn dal ati i weithio gyda’n staff, ein cymunedau a’n partneriaid i adeiladu ar ein cynnydd, ac i ddal i graffu arnom ein hunain o safbwynt y mater pwysig hwn.

Yr hyn yr ydym am ei gyflawni

Outcomes

  1. Rydym yn deall ac yn sylweddoli sut gall rhagfarn ddod i’r amlwg yn ein holl waith.
  2. Mae ein pobl yn deall profiad bywyd ac effaith anghymesuredd hiliol wrth wneud penderfyniadau ar ein cymunedau.
  3. Mae ein pobl yn ddiwylliannol ymwybodol ac yn sensitif, gan adlewyrchu’r cymunedau rydyn ni’n eu gwasanaethu ar bob lefel ac ym mhob man.  
  4. Mae ein harweinwyr a’n rheolwyr yn rôl-fodelau ac yn eiriolwyr atebol i’n gwaith ar anghymesuredd.

Outcomes

  1. Mae ein Cod, ein prosesau a’n canllawiau yn sicrhau tegwch drwy weithredu yn erbyn rhagfarn.
  2. Caiff ein gwaith i roi sylw i anghymesuredd ei lywio drwy ddadansoddi a deddfwriaeth gydraddoldeb.
  3. Mae ein penderfyniadau’n dryloyw ac yn agored i graffu arnynt.
  4. Mae ein Harweinwyr a’n Rheolwyr yn cefnogi erlynwyr i wneud penderfyniadau cyhuddo cymesur a theg.

Outcomes

  1. Mae gennym yr hyder a’r gallu i herio rhagfarn yn fewnol a gyda phartneriaid allanol.
  2. Rydym yn adnabod rhagfarn hiliol bosibl yn y deunyddiau a ddaw i law ac yn ein penderfyniadau cyhuddo, drwy ein harfer o ddefnyddio data ac offer digidol.
  3. Rydym yn mynd ati i ymgysylltu â’n partneriaid er mwyn herio a dileu rhagfarn hiliol.
  4. Gyda’n gilydd, rydym yn adfer hyder y cyhoedd yn y system cyfiawnder troseddol, yn enwedig gyda’r cymunedau hynny y mae anghymesuredd yn fwy tebygol o effeithio arnynt.

Sut y byddwn yn cyflawni'r nodau hyn

CanlyniadCam gweithredu
1: Rydym yn deall ac yn sylweddoli sut gall rhagfarn ddod i’r amlwg yn ein holl waith.
  • Darparu pecyn dysgu i gefnogi’r gwaith o ganfod rhagfarn bosibl mewn gwaith achosion a meithrin sgiliau ein herlynwyr i roi sylw iddo. Ch4 2024/25 i Ch3 2025/26
  • Creu astudiaethau achos newydd a datblygu’r rhai presennol gydag enghreifftiau ymarferol o sut gall rhagfarn ddod i’r amlwg ar wahanol gamau o waith achosion, i’w cynnwys mewn cynhyrchion dysgu perthnasol, i helpu ein staff i gysyniadu’r gwaith hanfodol hwn. Ch4 2024/25  ac ymlaen
  • Lleihau’r posibilrwydd bod rhagfarn yn ymddangos yn ein gwaith achosion drwy adolygu a dadansoddi ymchwil ar ffyrdd effeithiol o weithio i leihau rhagfarnau pobl, er mwyn llywio’r gwaith o greu cynhyrchion dysgu mewnol. 
    Ch3 2024/25 - Ch2 2025/26
  • Creu cyfres o gynhyrchion sy’n crynhoi’r ymchwil i anghymesuredd er mwyn i’n holl staff ddeall a dysgu oddi wrthynt, gan sicrhau eu bod yn gallu defnyddio’r elfennau allweddol y maent wedi’u dysgu wrth eu gwaith. Ch3 2024/25 - Ch4 2026/27
2: Mae ein pobl yn deall profiad bywyd ac effaith anghymesuredd hiliol wrth wneud penderfyniadau ar ein cymunedau.
  • Creu cynlluniau cyfathrebu mewnol cynhwysol i rannu profiad bywyd pobl o fudiadau cymunedol ethnig leiafrifol gyda’r staff. Ch3 2024/25 - Ch4 2024/25
3: Mae ein pobl yn ddiwylliannol ymwybodol ac yn sensitif, gan adlewyrchu’r cymunedau rydyn ni’n eu gwasanaethu ar bob lefel ac ym mhob man.
  • Gwella cynrychiolaeth staff o leiafrifoedd ethnig mewn rolau uwch reolwyr, lle mae’r dystiolaeth yn dangos tangynrychiolaeth, drwy weithgareddau recriwtio, cadw a datblygu wedi’u targedu.
  • Gweithgaredd parhaol, parhaus
4: Mae ein harweinwyr a’n rheolwyr yn rôl-fodelau ac yn eiriolwyr atebol i’n gwaith ar anghymesuredd.
  • Sefydlu amcan anghymesuredd ar gyfer yr holluwch arweinwyr, gan greu amgylchedd yn ein sefydliad lle mae arweinwyr cynhwysol ar y rheng flaen yn rhoi blaenoriaeth i roi sylw i ragfarn hiliol ac yn hyrwyddo hynny. Ch3 2024/25 - Ch4 2024/25
  • Cwmpasu, dewis a sefydlu mesurau ar gyfer monitro anghymesuredd yn Ardaloedd Gwasanaeth Erlyn y Goron. Ch1 2025/26 - Ch4 2025/26
  • Llunio a hyrwyddo datganiad gwrth-hiliol sefydliadol, wedi’i gymeradwyo gan ein Grŵp Gweithredol, gan ein hymrwymo i fynd i’r afael â gwahaniaethu. Ch3 2024/25 - Ch4 2024/25
CanlyniadCam gweithredu
Mae ein Cod, ein prosesau a’n canllawiau yn sicrhau tegwch drwy weithredu yn erbyn rhagfarn.
  • Diwygio’r Cod ar gyfer Erlynwyr y Goron er mwyn sicrhau bod pob erlynydd yn mynd ati i adnabod a rhoi sylw i ragfarn wrth iddynt wneud penderfyniadau gyda’u holl waith achosion. Sefyllfa interim erbyn Ch1 2025/26, gwerthuso ac adolygu erbyn Ch4 2025/26
  • Sefydlu dulliau ar gyfer adnabod a rhoi sylw i ragfarn yn egwyddorion ein strategaeth achosion. Ch3 2024/25 - Ch3 2025/26
Caiff ein gwaith i roi sylw i anghymesuredd ei lywio drwy ddadansoddi a deddfwriaeth gydraddoldeb.
  • Gweithio gyda phartneriaid yn yr heddlu ac ym maes cyfiawnder troseddol i wella’r trefniadau ar gyfer cofnodi data ar ddemograffeg ac ethnigrwydd er mwyn gallu dadansoddi data’n gadarn, fel drwy gyd-ymrwymiad data. Ch4 2024/25 - Ch4 2025/26
  • Adolygu a diweddaru ein hyfforddiant ar Ddyletswydd Cydraddoldeb y Sector Cyhoeddus yng ngoleuni canlyniadau’r ymchwil i anghymesuredd. Q4 2024/25 - Q3 2025/26
Mae ein penderfyniadau’n dryloyw ac yn agored i graffu arnynt.
  • Fel rhan o broses Sicrhau Ansawdd Unigol erlynwyr sy’n helpu i ysgogi gwelliannau mewn gwaith achosion, cynnwys cwestiynau ynghylch sut maen nhw’n herio ac yn rhoi sylw i ragfarn bosibl mewn gwaith achosion. Ch1 2025/26 - Ch1 2026/27
  • Bydd pob achos o ladd ac ymgais i ladd fel cyd-fenter yn destun paneli rheoli achosion a chynllun monitro cenedlaethol a fydd yn adrodd ar ddata’n flynyddol. Ch1 2024/25 ac ymlaen
  • Bydd holl Ardaloedd Gwasanaeth Erlyn y Goron yn cynnull Paneli Craffu a Chynnwys Lleol ar y Cyd bob blwyddyn ac yn galluogi cynrychiolwyr cymunedol i graffu ar ein gwaith yn y maes hwn. Ch3 2024/25 ac ymlaen
Mae ein Harweinwyr a’n Rheolwyr yn cefnogi erlynwyr i wneud penderfyniadau cyhuddo cymesur a theg.
  • Cynnwys gwaith yr Ardal ar anghymesuredd fel rhan o Adolygiadau Perfformiad yr Ardal i fonitro cynnydd a sicrhau gwelliant parhaus. Ch1 2025/26 - Ch4 2025/26
  • Adolygu ein prosesau presennol i sicrhau bod ein herlynwyr yn teimlo eu bod yn gallu bod yn hyderus i godi pryderon ynghylch penderfyniadau am waith achosion y gallent fod yn anghymesur. Ch4 2024/25 - Ch2 2025/26
CanlyniadCam gweithredu
Mae gennym yr hyder a’r gallu i herio rhagfarn yn fewnol a gyda phartneriaid allanol.
  • Gwneud rhagor o ymchwil i ddiwylliant ein sefydliad er mwyn deall sut i fynd i’r afael â rhagfarn hiliol yng Ngwasanaeth Erlyn y Goron, gan arwain at staff sydd â’r hyder a’r gallu i herio a thrafod rhagfarn ac anghymesuredd. Ch4 2024/25 - Ch4 2025/26
  • Pwyso a mesur a datblygu adnoddau i gefnogi erlynwyr i gael sgyrsiau am hil, er mwyn lleihau’r potensial am anghymesuredd wrth wneud penderfyniadau. Ch4 2024/25 - Ch4 2025/26
Rydym yn adnabod rhagfarn hiliol bosibl yn y deunyddiau a ddaw i law ac yn ein penderfyniadau cyhuddo, drwy ein harfer o ddefnyddio data ac offer digidol.
  • Pwyso a mesur y defnydd o adnoddau digidol i ganfod tueddiadau y gallent fod yn niweidiol ar draws achosion. Ch1 2025/26 - Ch4 2025/26
  • Defnyddio offer digidol i gefnogi erlynwyr i ganfod rhagfarn bosibl mewn tystiolaeth, a’u hadolygiadau eu hunain. Ch1 2026/27 - Ch4 2026/27
Rydym yn mynd ati i ymgysylltu â’n partneriaid er mwyn herio a dileu rhagfarn hiliol.
  • Sefydlu proses glir er mwyn i erlynwyr allu codi pryderon ynghylch rhagfarn hiliol bosibl mewn gwaith achosion, yn fewnol a gyda phartneriaid cyfiawnder troseddol. Ch2 2025/26 - Ch3 2025/26
  • Sefydlu Bwrdd Anghymesuredd Hiliol ar y cyd rhwng yr NPCC a Gwasanaeth Erlyn y Goron i sicrhau cydweithio agos â Chynllun Gweithredu ar Hil yr Heddlu. Ch1 2024/25 ac ymlaen
  • Byddwn yn monitro amrywiaeth eiriolwyr erlyn allanol, gan gymryd rhan mewn cynlluniau a gweithgareddau sydd â’r nod o wella cynrychiolaeth ethnig ar Banel Eiriolwyr Gwasanaeth Erlyn y Goron. Bydd hyn yn cynnwys monitro sut caiff gwaith ei ddyrannu a’r ffioedd a delir. Ch4 2024/25 - Ch4 2025/26
Gyda’n gilydd, rydym yn adfer hyder y cyhoedd yn y system cyfiawnder troseddol, yn enwedig gyda’r cymunedau hynny y mae anghymesuredd yn fwy tebygol o effeithio arnynt. 
  • Cysylltu â chymunedau i godi ymwybyddiaeth o sut mae Gwasanaeth Erlyn y Goron yn mynd i’r afael ag anghymesuredd. Ch3 2024/25 ac ymlaen
  • Adolygu ac ymgynghori’n gyhoeddus ar ein polisi ar ‘gangiau’ a defnyddio ‘dril’ fel tystiolaeth. Ch4 2024/25 - Ch3 2025/26
  • Sefydlu strategaeth gyfathrebu i hybu gwaith y cynllun gweithredu a meithrin hyder y cyhoedd yn ein gwaith i fynd i’r afael ag anghymesuredd. Ch3 2024/25 - Ch4 2024/25
  • Cymryd rhan yn rhaglen 10,000 o Interniaid Du Cyngor y Bar, drwy gynnig cyfleoedd profiad gwaith i raddedigion ac Israddedigion Du nad oes ganddynt gynrychiolaeth deg yn y Bar ar hyn o bryd. Ch1 2025/26 - Ch4 2025/26

Cynllun Gweithredu - llwytho i lawr

Gallwch lawrlwytho copi PDF o'n Cynllun Gweithredu yma. Efallai na fydd y ddogfen hon yn addas ar gyfer defnyddwyr technoleg gynorthwyol.

Lawrlwythwch PDF

Sut mae Gwasanaeth Erlyn y Goron yn deall ac yn mynd i'r afael ag anghymesuredd hiliol yn ein gwaith

Darllenwch ein canlyniadau ymchwil